VIGAN CITY – Sinelebraran ti University of Northern Philippines iti maikalima a tawen a panagturay ni UNP President Dr. Erwin Cadorna.
Iti pannaki-uman ti Bombo Radyo Vigan kenni Wilson Ramirez Tolio, Asst. Dean ti Open University-UNP, maragsakan iti unibersidad para iti maikalima a panagtakem ni President Cadorna.
Nangrugi iti programa babaen iti pormal a meeting nga indauluan ni Vice President for Academic Affairs Dr. Rolando Navarro, kas Chairman ti Special Events Committee, a nangidataganda dagiti plano maipapan ti nasao a selebrasyon, isu a nabilin amin nga employees ti UNP, teaching ken non-teaching nga agsuot da iti Filipiniana, ken barong.
Segun kenni Tolio, adun dagiti naawat a pammadayaw ni President Cadorna, saan laeng a national no di ket mabigbig payen ti UNP iti international.
Panawaganna kadagiti padana a mangisursuro iti agtultuloy a suportada kenni President Cadorna para iti nabatbati pay a tallo a tawen a panagturayna.
