VIGAN CITY – Pimmusayen ni ISC341 nga isu ti maikatallopulo ket dua a Covid19 patient iti ili ti Tagudin bayat ti kaaddana idiay Ilocos Training and Regional Medical Center, San Fernando Ciy, La Union.
Ti biktima ket agtawen iti innem a pulo a taga-Pudoc West, Tagudin ket natay gapu ti septic shock, secondary pneumonia, severe Covid19 confirmed –critical case, chronic kidney disease stage 5, Type 2 diabetes mellitus ken spontaneous pneumothorax.
February 8 idi napan ti biktima idiay Lacasandile Medical Clinic and Diagnostic Center nga agpacheck up ken dimmalan iti CBC ken Chest X-Ray pakairamanan ti initial reading ti Hydrothorax.
Nagtalinaed iti siam nga aldaw idiay Ilocos Sur District Hospital-Tagudin ti biktima ken na-test iti antigen ngem negatibo ti resultana.
February 17 idi na-intubate ta narigatan nga umanges isu a nayakar idiay ITRMC ken natest met laeng idi RT-PCR test ket idi February 18, rimuar ti resultana a positibo ken natay idi February 23 iti alas nuebe kwarenta y singko iti agsapa.
