VIGAN CITY – Nakikaysa ti Heritage City of Vigan iti National Historical Commission of the Philippines iti panangrambak iti maika-sangagsut ket limapulo nga anibersaryo ti Martyrdom iti tallo a padi a da Mariano Gomez, Jose Apolonio Burgos ken ni Jacinto Zamora (GomBurZa).
Ti nasao a selebrasyon ket indauluan ni Mayor Juan Carlo Medina ken dagiti agduduma nga opisyal a napasamak iti monument ni Fr. Jose Burgos idiay Plaza Burgos.
Linagip ni Mayor Medina dagiti nagbalin a kontribusyon ni Fr. Burgos iti pakasaritaan iti pagilian kangrunaana para iti pannakawaya-waya dagiti Pilipino.
Naisayangkat pay iti ceremonial gun salute ken Ilokano breakfast iti kaluklukat a Plaza Burgos Food Court a pakagatangan dagiti natalak a makan kas iti empanada ken okoy iti siudad.
Kabayatanna, ti programa ket addaan ti tema a “Pamana ng Paglilingkod at Pag-aalay” a mangiladawan iti panagserbida para kadagiti tattao.
