Maysa a bangkay ti babai ti nasarakan iti kombento ti St William the Hermit Church idiay Barangay San Vicente, Magsingal, Ilocos Sur.
Nabigbig ti bangkay a ni Caridad Collado Pablico, agtawen iti limapulo ket innem, maid iti St. William the Hermit Church, agnaed iti nasao a lugar.
Segun iti katrabahoan ni Caridad, ag-agalen ti biktima ti sakitna a hypertension ken agag-agas iti herbal medicine para iti maintenance na.
Alas otso y media iti agsapa, aw-awagan ti katrabahoanna ti biktima babaen iti tawa ti kuartona ngem saanen a sumungsungbat agingga idi simmirip iti tawa ket nadlawna ti biktima a saanen nga aggar-garaw, nakamata ken nakalukat ti ngiwatna.
Innayon pay ti gayyem ti biktima a ni Rosana Panlasigui a kanayon nga irekreklamo ti biktima ti sakitna a patienda nga isu ti nakatayanna.
Saan met a nagargaraw dagiti sanikua ti biktima ken awan ti pagilasinan a napuersa a nastrek iti uneg ti kuartona.
Naideklarar a dead on the spot ti biktima ken awan ti pagilasinan iti dunor iti bagina.
