--Ads--
VIGAN CITY – Target ti Magsingal Local Government Unit a maiturpos ti vaccination rollout da agingga iti umuna a lawas ti Setyembre bayat ti agtultuloy a panagsangpet dagiti bakuna iti ili.
Segun ken ni Executive Secretary to the Mayor’s Office Alrico Favis, isagsaganadan ti PHP3.6M a pondo a paggatang iti Sputnik V vaccine nga isu ti kurangna manipud iti PHP10M nga inlatang ti provincial government.
Inlawlawagna a 40 percent iti bakuna ket aggapu iti national government isu a ti 60 percent ket paggudwaan ti probinsia ken munisipio.
Inton Hunyo ti manamnama a panagsangpet ti Sputnik V a ginatang ti probinsia agsipud ta isagsaganan ti provincial government ti tripartite agreement-da iti Russia.
-- ADVERTISEMENT --
