--Ads--
Umaboten iti 81 nga indibidual ti natay ken 31 ti masapsapul iti magnitude 7.8 a gingined a nangdayyeg iti Mindanao, segun iti National Disaster Risk Reduction and Management Council.
Umabot met iti 382,269 pamilia wenno 1,633,161 nga indibidual manipud kadagiti 620 a barangay idiay Zamboanga Peninsula, Davao Region, Soccsksargen, ken Bangsamoro Autonomous Region in Muslim Mindanao (BARMM) ti naapektaran iti gingined.
1,315 dagiti nadunor, ngem daytoy ket agtultuloy a maberberipika.
86,919 met dagiti nagbakwit, agraman ti 23,568 nga indibidual ti adda kadagiti 63 nga evacuation center idinto a 63,351 ti kimmamang iti sabali a lugar.
-- ADVERTISEMENT --
