Maysa ti natay iti napasamak a magnitude 7.4 a gingined idiay Davao Oriental kas pinasingkedan ni Governor Nelson Dayanghirang.
Ti biktima ket manipud iti Mati City, natupakan iti narpuog a pagtaengan.
Uray pay dagiti istraktura iti probinsia ket nadadael kagiddan ti agtultuloy nga assessment iti sitwasion.
Nasuspenso met ti klase ken trabaho kadagiti pagadalan ken opisina, idinto a dagiti agindeg ket naparitan a sumrek kadagiti sumagmamano nga ospital para iti kinatalgedda.
Nagballaag ti Philippine Institute of Volcanology and Seismology iti posible a tsunami kalpasan ti gingined.
Maibasar iti Tsunami Information No. 1, posible ti nadawel a dalluyon iti nasurok maysa a metro ken nangatngato pay kadagiti ‘enclosed bays’ ken ‘straits’.
Gapu dayta, insingasing ti PHIVOLCS ti panagbakwit dagiti agindeg kadagiti coastal areas manipud iti probinsia ti Eastern Samar, Southern Leyte, Leyte, Dinagat Islands, Davao Oriental, Surigao del Norte, Surigao del Sur.
