VIGAN CITY – Napigsa a nagpaut iti maysa a minuto iti napasamak a magnitude 6.0 a ginggined idiay Melbourne, Australia idi kalman September 23, 2021.
Iti pannaki-uman ti Bombo Radyo Vigan ken ni Bombo International Correspondent Angelica Jaramilla Tinaya, tubo iti ili ti Sto. Domingo nga adda ita idiay Melbourne, Australia, saanda a namnamaen iti ginggined ta naudin a narikna dagiti agindeg iti idi tawen 2012.
Saan a namnamaen ni Tinaya ti ginggined ta impagarupna a naulaw laeng ngem idi imbaga dagiti katrabahoanna ken nakitadan nga adda iti nagruar iti kabatogda a pasdek ket namatidan a nagginggined.
Nupay saan unay a nakaru iti pasamak ta awan iti aniaman a nadadael iti ayanda ket nagbuteng da Tinaya ta maamak iti posible a mapasamak ta saan a kas ti Pilipinas a semento iti pannakaramid iti pagnanaedanda.
Kabayatanna, awan iti nariknada nga aftershocks kalpasan iti ginggined.
