Nakarekord ti magnitude 4.6 a ginggined iti probinsia iti Zambales.
Segun ti Phivolcs, narikna iti panagdayyeg iti alas dos iti parbangon itattay, December 28, 2025).
Nagsentro iti ginggined iti kaadayo a 17 a kilometro amianan a laud iti Palauig, Zambales a ti kaunegna ket uppat a pulo ket walo a kilometro.
Narikna ti Intensity III iti Palauig, Masinloc, Iba ken Botolan, Zambales idinto nga Intensity II idiay Quezon City.
Iti instrumental record ket Intensity II iti nairekord idiay Botolan, Zambales; Intensity II iti Masinloc ken Iba, Zambales kasta pay iti Guagua, Pampanga; ken Intensity I iti nairekod idiay San Marcelino, Zambales; Calumpit, Bulacan; Rizal, Nueva Ecija; Santa Ignacia, Tarlac; ken kadagiti siudad ti Navotas ken Malabon.
No pay kasta ket awan iti naireport a nadadael wenno natay ngem nabalakadan iti publiko nga agsagana iti aftershocks.
