--Ads--
Inawat ti mapapati a bagman ni Vice President Sara Duterte a ni Ramil Madriaga iti karit ni Davao City Mayor Baste Duterte nga agdinnanugda ngem adda sumagmamano a kondisionna.
Segun ken ni Madriaga, nakasagana a mangawat iti nasao a karit ngem kasapulan a mawaswas dagiti kaso a sangsangwenna.
Innayonna a no bisitaen isuna ni Mayor Baste iti Camp Bagong Diwa a nakaibaludanna iti agdama gapu iti kaso a kidnapping, ket sisasagana a mangawat.
Reaksion daytoy ni Madriaga iti quote card ni Duterte a mangkarkarit kenkuana iti dinnanung kalpasan a tinawagna a bakla.
-- ADVERTISEMENT --
