VIGAN CITY – Bimmasit ti nairekord nga orange(danger) ken red (extreme danger) marks iti heat index chart ti Philippine Atmospheric, Geophysical and Astronomical Services Administration (PAGASA) iti naglabas a lima nga aldaw ngem ngimmato ti heat index idiay Maasin, Southern Leyte iti 53 degrees Celsius idi kalman, aldaw ti Sabado.
Nupay kasta, iggem latta ti Guian, Eastern Samar ti kangatoan a heat index ita a tawen a 55°C a nairekord idi May 26.
Inaig dayta, innem a pulo ket siam a porsiento ti posibilidad a mariknan ti La Niña inton Hulyo, Agosto wenno Setyembre.
Kabayatanna, inpakaammo ti PAGASA a sangapulo ket tallo a lugar iti pagilian ti makarikna ti heat index iti danger level ita nga aldaw idinto a ti Baguio City ti addaan ti kababaan a heat index a 25°C.
