VIGAN CITY – Inlawlawag ni Dr. Loida Ranches iti Vigan City Health Office a nu makagat iti uleg ti maysa a tao ket aramiden iti kasla met laeng iti proseso nu makagat iti aso.
Iti pannaki-uman ti Bombo Radyo Vigan ken ni Dr. Ranchez, ugasan babaen ti danum ken sabon ket nu awan nasaysayaat nu punasan ken i-mobilize iti paset a nakagat iti uleg.
Segun ken ni Dr. Ranchez, kasayaatan iti amin ket ipan latta iti ospital ti maysa a pasyente tapno maliklikan ti saan a napintas nga epekto iti nakagat.
Inlawlawagna a nu cobra iti nangkagat ti maysa a tao ket insigida a mapan iti ospital ta venomous iti nasao a pinarsua.
VC – DR. LOIDA RANCHES
Kinunana a minimal laeng iti suplay iti anti-venom kadagiti ospital ket dagiti laeng higher facility iti mabalin a maddaan a kas iti Mariano Marcos Hospital iti Batac City, Ilocos Norte ken IRTM idiay La Union.
Nupay kasta ket nagkiddawdan iti Provincial Government of Ilocos Sur nga isu iti mangmanmanehar iti Ilocos Sur Provincial Hospital Gabriela Silang para iti pannakaadda ti anti-venom iti probinsia.
