VIGAN CITY – Naidalanen iti Extreme Enhanced Community Quarantine ti Sitio Villamaria, Brgy. Dasay naibilang a critical zone, Modified Enhanced Community Quarantine ti Sitio Ambakol ken Centro a naibilang a containment zone idinto a naidalan iti General Community Quarantine ti Sitio Bukkalan ken Bantugo a naibilang a buffer zone.
Dayta ket gapu ti panagpositibo ti maysa a agtawen iti uppat a pulo ket innem a lalaki iti nasao a barangay, asymptomatic, adda ti travel history na iti National Capital Region nga ita ket naka-isolate iti Provincial Isolation Facility.
Kabayatanna, naidalan met laeng iti EECQ ti Sulvec Port Road ket mairaman a maiserra ti dalan manipud iti rangtay ti Brgy. Bulanos agingga iti Narvacan Port.
Gapu ti dayta, saan pay laeng a mabalin ti aguummong wenno mapan iti Bulanos beach gapu iti panagpositibo ti agtawen iti duapulo ket uppat a lalaki iti Brgy. Sulvec nga awan ti travel history na, uniformed personnel a naka-isolate met laeng iti nasao a pasilidad.
