Lugan a saan a nairehistro idi Hunyo, nasurok 10K

Nasurok 10,000 a lugan ti nakemmeg iti pagilian idi Hunyo iti salinong ti “No Registration, No Travel” policy ti Land Transportation Office.

Pinasingkedan ti ahensya a 10,461 a lugan ti nakemmeg idi napan a bulan ta 9,212 ti naisyuan ti traffic violation tickets idinto 1,601 dagiti lugan a naimpound.

Kaadoan kadagiti nakemmeg ket dagiti motorsiklo ta 6,824; simmaruno ti traysikel a 1,787; private vans a 954; private sedans a 451; ken truck a 230.

Kadagiti makemmeg ti “No Registration, No Travel” ket mamuelta ti P10,000.