VIGAN CITY – Naiyawagen dagiti fully vaccinated a napagasatan a nangabak ti house and lot ken dadduma pay a papremyo nga indiaya ti Local Government Unit iti ili ti Santa.
Iti pannaki-uman ti Bombo Radyo Vigan kenni Santa Mayor Jesus “Popoy” Bueno II, idi kalman kuma iti pannakaisayangkat iti raffle draw ngem intuding da ita nga aldaw kagiddan iti christmas party ti LGU.
Malaksid ti house and lot, adda iti napangabakanda a tricycle, motorsiklo, refrigerator, T.V ken bagas.
Napagasatan a nabunot ken nangabak ti House and Lot ni Romulo Billena Corpuz ti Brgy. Pasungol ken motorsiklo ti inabak ni Lester Aspacio ti nasao met laeng a barangay ken tricycle iti iyawid ni Mercedes Criste ti Brgy. Mabilbila Sur ken T.V kenni Princess Lalaine, Burner kenni Engelbert Justin Burgos ken Refrigerator kenni Emely Barsola agpapada a manipod ti Brgy. Mabilbila Sur.
Inton lunes December 20 maipaima dagiti inabak a pa premyo dagiti fully vaccinated a nangabak ti raffle draw ti LGU Santa.
