VIGAN CITY – Naisayangkat ti License to Own and Possess Firearms wenno LTOPF Caravan ken Firearms Registration Caravan idiay Ilocos Sur Police Provincial Office idiay Camp Elpidio Quirino, Barangay Bulag, Bantay.
Iti pannaki-uman ti Bombo Radyo Vigan ken ni Police Provincial Director PCOL Darnell Dulnuan, uppat a ribo pay dagiti awanan iti lisensya ti paltog nga ikotda ket babaen daytoy nga aktibidad, maikkan ida iti gundaway nga agparehistro.
Dagiti aplikante ket masapul a mangala iti National Police Clearance manipud iti kaasikgan a police station ken agipasa iti kasapulan a dokumento.
Gagem ti caravan a mairehistro ti 80 percent manipud iti bilang dagiti awan pay lisensyana.
Malaksid dayta, maplamplano pay a saan laeng a maymaysa a lugar ti pakaimuntaran ti LTOPF caravan no di ket uray pay kadagiti sabali nga ili wenno siudad.
