VIGAN CITY – Maisayangkat inton umuna a lawas iti Hulyo ti License To Own and Possess Firearm (LTOPF) and Firearms Registration and Renewal Caravan iti ili ti Bantay kalpasan iti billigi a naisayangkat a caravan iti ili ti Sta. Maria idi June 8-9, 2022.
Iti pannaki-uman iti Bombo Radyo Vigan ken ni Pol. Col. Wilson Doromal a director ti Ilocos Sur Provincial Police Office, naamwan a nangato iti average rate iti saan a naka-renew isu nga isay-sayangkatda iti LTOPF caravan iti probinsia ken tapno saanen a marigatan pay dagiti adda ti paltogna.
Inlawlawagna a gapu iti naipatungpal a restrictions ken sursuroten a covid-19 health protocols iti covid-19 pandemic ket immadu iti saan a nakarehistro ken naka-renew iti paltogda.
Segun ken ni Doromal, kinunana a ti kangatoan a saan a nakaparehistro iti paltogna ket manipod iti siudad iti Vigan ken Candon.
Agtultuloy met iti panangisayangkat ti Oplan Katok dagiti pannakabagi ti linteg tapno allukoyen dagiti firearms holder nga i-renew dagiti paltogda ken ikkanda iti gundaway kangrunaan nu saanda a masango iti mapan wenno ipaimada iti paltogda kadakuada.
