LTO-San Ildefonso, nagpalagip a mabalinen a ma-claim ti plastic card dagiti nagpa-renew iti April-August 2023

VIGAN CITY – Mabalinen nga i-claim iti Land Transportation Office – San Ildefonso ti plastic card dagiti nagpa-renew idi April-August 2023.

Iti pannaki-uman ti Bombo Radyo Vigan ken ni Larry Jun Morales, LTO-Chief, dagiti mapan mang-claim ket masapul nga itugotda ti resiboda idi napanda nagpa-renew.

Kabayatanna, into met Mayo ti naituding a panang-claim dagiti nagrenew idi September-December 2023; dagiti met January-March 2024 ket ma-claim-danto inton June.

Ti schedule a naituding ket tapno saan nga agdudupudop dagiti tattao a mapan iti opisina.

Lima ribo pay laeng dagiti nagsangpet a plastic card ta manamnama ti pannakaisarunonto pay laeng dagiti dadduma para kadagiti adda iti backlog na.