--Ads--
Pinaawagan ti Land Transportation Office (LTO) ti akin-kukua ti motorsiklo a nagparada iti tengnga ti kalsada idiay Antipolo City.
Segun ken ni LTO chief Assistant Secretary Vigor Mendoza, makapadismaya iti nasao a pasamak ngem kayatna a manggegan ti sarita ti motorista ta adda karbenganna iti due process.
Iti show cause order nga inruar iti LTO, mapapaayaban ti akin-kukua ti motorsiklo a mapapati nga agnaed idiay Barangay San Roque, Antipolo City.
Kinunana a masapul nga agpalawag ti motorista tapno saan a makasoan ti Obstruction of Traffic kalpasan iti nasamak nga insidente ken apay a saan a masuspenso wenno marevoke ti driver’s license-na iti panagbalinna nga Improper Person to Operate a Motor Vehicle.
-- ADVERTISEMENT --
