--Ads--
Nangnayon ti Land Transportation Office iti personnel tapno mapadaras ti distribusyon dagiti license plate iti intero a pagilian.
Umabot iti duapulo a tattao ti nainayon iti agdama a limapulo ket dua a tattao a mangig-iggem iti plate releases.
Umabot met iti 8,000-10,000 nga outbound plates kada aldaw ti nai-release manipud iti Plate Making Plant ken Courier Hub.
Segun ken ni LTO Chief Assistant Secretary Atty. Vigor Mendoza II, agresulta daytoy iti nayon a 13,000-15,000 plate releases iti kada aldaw.
-- ADVERTISEMENT --
Inyunay-unay ni Mendoza nga ita a naileppasdan ti 11 years backlog iti motorcycle plates ket nakapokusen ti ahensia a mapadaras ti pannakaiwarasna kas maisurot iti pammilin ni Presidente Ferdinand Marcos Jr.
