Nangiruar ti show cause order ti Land Transportation Office (LTO) kontra kadagiti naibilang a BGC Boys kalpasan a nairamanda iti panagaramat kadagiti peke a driver’s license.
Kayat ti LTO a sumango ti BGC Boys iti nakaituding a panagdenggeg inton September 12, 2025 tapno agpalawag.
Immunan nga imbutaktak ni dati a Senador Panfilo Lacson iti privilege speech-na iti grupo, karaman iti mapapati a P950 million nga abakda iti sugat iti baet ti isyu ti maanomalya a flood control projects idiay Bulacan.
Isagsagana payen iti ahensya iti panagipilada iti kaso kas ti falsification ken panagaramat iti peke a dokumento.
Dagiti karaman iti Bulacan Group of Contractors (BGC Boys) ket da dati a Department of Public Works and Highways (DPWH) Bulacan District Engineer Henry Alcantara, OIC District Engineer Brice Ericson Hernandez, Assistant District Engineer Jaypee Mendoza, Arjay Domasig a nagpayam-ammo a contractor iti Syms Trading Corporation, ken contractor Edrick San Diego.
Segun ken ni LTO Chief Atty. Vigor Mendoza II, mangisayangkat pay iti nainget nga imbestigasyon ti LTO tapno mabigbig iti nagtaudan dagiti peke a lisensya.
