Mangideploy ti Land Transportation Office (LTO) kadagiti personnel babaen ti Oplan Biyaheng Ayos-Undas 2026 tapno masigurado ti kinatalged ti kalsada ken naannayas trapiko iti baet ti manamnama a panagado ti biahero nga agawid iti probinsia ken biahero sakbay ken iti kaaldawan ti Undas.
Karaman kadagiti maideploy ket dagiti pannakabagi ti linteg, kameng ti information and education team, dagiti kameng ti Philippine Coast Guard, ken dagiti toll way personnel a mangbantay kadagiti kangrunaan nga expressway ken transport corridor iti pagilian.
Mangisayangkat pay ti LTO iti drug testing kadagiti drivers ken real-time enforcement operations tapno maamuan a dagus nu adda dagiti aglabsing ken dagus a maaksionan dagiti insidente a mabalin a mangapektar iti kinatalged dagiti agbibiahe ken panagayus iti trapiko.
