Inlawlawag ti Land Transportation Office a saanda a target dagiti motorista a legal a gumat-gatang ken agin-install iti aftermarket muffler manipud iti otorisado a dealer, ken nakapokusda laeng kadagiti agar-aramat iti illegally assembled wenno non-compliant a muffler.
Dayta ket kasaruno ti taripnong da Senador JV Ejercito ken LTO Chief Markus Lacanilao, a nangipaganetgetan ti senador a kasapulan a nalawag a makita ti nagbaetan ti lehitimo ken ilegal a modipikasion.
Segun iti LTO, dagiti branded muffler a nagatang iti otorisado nga agilaklako, dimmalan iti husto a proseso, ken sumursurot iti standard protocol ket saan a sakup iti apprehension.
Masansan dagitoy nga adda ti catalytic converter-na a sumursurot iti noise ken emission standards.
Saan payen a kasapulan iti nayon a sertipikasion manipud iti manufacturer tapno paneknekan ti legalidadna, nangruna no dimmalan iti proseso ti Department of Trade and Industry.
