Inlawlawag ti Land Transportation Office (LTO) nga awan ti kinapudno dagiti agwarwaras nga impormasyon iti social media nga adda baro a driver’s license rules pata kadagiti senior citizen inton March 1.
Segun ti LTO, saan nga opisyal ken saan a pudno dagiti naibagbaga iti video maipanggep ti medical requirements, naing-inget a renewal process wenno aniaman a panagbaliw iti validity period para kadagiti senior driver manipod iti nasao nga aldaw.
Awan ti bilin wenno memorandum manipod iti ahensya a mangibilin dagiti baro ken nayon a pagannurotan iti panagala ken panag-renew iti lisensya ken agtaltalinaed iti maipatpatungpal a proseso.
Inallukoy ti LTO iti publiko nga agbalin nga alerto kadagiti saan a pudno nga impormasyon ken pinalagipanna a subayabyan laeng dagiti opisyal a social media account ken website.
