VIGAN CITY – Inallukoy ti Land Transportation Office dagiti government officials ken employees a boluntaryo nga ikkaten dagiti siren ken blinkers a naipan kadagiti luganda kasaruno ti anti-wangwang policy nga imbilin ni President Ferdinand Marcos Jr.
Malaksid kadagiti government workers, inyatiddog ni LTO Chief Assistant Secretary Vigor Mendoza II iti isu met la nga apela ti private vehicles owners kagiddan ti panagballaagna iti aggresive operations iti pannakikammayet ti local police forces.
Segun kenkuana, binilinnan amin a regional directors a makikammayet kadagiti opisina iti agduduma a government agencies iti respective areas para ti mandatory a panangikkat ti sirens, blinkers ken kapada a devices a naipan iti vehciles a saan nga otorisado na aramaten kas panangsurot iti Administrative Order 18 ni President Marcos.
Iti salinong ti Section 1 iti Administrative Order, amin a government officials ken personnel ket maiparit nga agaramat ti sirens, blinkers ken dadduma pay a kas ti nasao a gadget.
