Nangipatungpal ti Land Transportation Office (LTO) iti baro a pagannurotan maipanggep ti panagbayad ti multa kadagiti traffic violation.
Maibasar iti baro a guidelines, adda 15 working days a palugit dagiti motorista tapno bayadan ti multada kasaruno iti DOTr Memorandum Circular No. 2026-001.
Iti salinong iti baro a polisiya, saanen a makumpiskar ti driver’s license dagiti makemmeg nga aglabsing ti linteg trapiko no diketdi maipan laengen iti alert status iti lisensiyada no saan nga insigida a mabayadan ti muelta.
Inlawlawag ti LTO a ti bilang iti sangapulo ket lima nga aldaw ket working days laeng isu a saan a karaman iti weekends, holidays ken dagiti aldaw a nasuspenso iti serrek iti gobierno.
Nabalakadan dagiti motorista a mapaay nga agbayad iti uneg iti naituding a panawen ket agresulta iti otomatiko a suspension wenno revocation ti lisensya iti uneg iti tallopulo nga aldaw.
