VIGAN CITY – Binilin ni Land Transportation Office (LTO) Chief Vigor Mendoza II dagiti amin a Regional Directors ken District Office heads ti panangpainget ti road safety seminar para kadagiti amin a tricycle drivers ti pagilian.
Ti bilin ni Mendoza ket kalpasan ti pannakairuar ti Tricycle Operators and Drivers Association wenno TODA Learning Centers iti nadumaduma a paset ti pagilian.
Ti pannakaipasdek ti TODA Learning Centers ket para kadagiti traysikel drivers tapno maammuanda ti karbengan ken obligasionda iti kalsada, ken tapno masurwanda iti road safety.
Plano ti LTO ti mangbangon iti ad-adu pay a TODA Learning Centers, nangruna para kadagiti tricycle drivers a mangnamnama laeng iti trabahoda.
Masapul met a siguraduen dagiti Regional Directors ken District Offices ti koordinasion kadagiti local government units, a mangted iti permit to operate kadagiti tricycle drivers.
