Agdeploy ti 1,700 nga enforcers ti Land Transportation Office wenno LTO ita a Holy Week gapu iti posible a panagado dagiti lugan kadagiti kalsada.
Malaksid a masigurado ti kinatalged dagiti motorista iti kalsada ket mamonitor pay dagiti kangrunaan a kalsada ken maipatungpal ti linteg kontra kadagiti reckless drivers kangrunaan kadagiti makipaset iti road racing.
Segun ken ni LTO Chief Assistant Secretary Atty. Vigor Mendoza II, katinnulongda iti inisyatiba ti Philippine National Police wenno PNP ken dadduma pay a mangipatpatungpal ti linteg babaen ti panagreport kadagiti ahensyada ti reckless drivers.
Imballaag ni Mendoza kadagiti motorista nga uray malibasanda dagiti enforcer ket adda dagiti addang a maaramid tapno madusa dagiti nasukir iti kalsada.
