Sinuspenso ti Land Transportation Franchising and Regulatory Board ti operasion ti maysa nga electric vehicle taxi company kalpasan a nairaman ti drayber iti viral holdap prank nga inaramidna kadua dagiti 2 a vlogger.
Iti viral video, makita nga impangta ti drayber ti panangholdap, sakbay a limmugan dagiti 2 a vlogger a nagpammarang kas holdaper.
Segun ken ni LTFRB Chairman Vigor Mendoza II, agtalinaed a suspendido ti operasion ti kompania iti uneg ti 30 nga aldaw kabayatan ti pannakaisayangkat ti imbestigasion.
Mangiruar pay ti LTFRB iti show cause order kontra iti Green and Smart Mobility Philippines Incorporated, ti operator ti nasao nga electric vehicle taxi.
Inallukoy ni Mendoza dagiti PUV operator ken driver nga agtinnulong tapno sumayaat ti pampubliko a transportasion iti pagilian ken maisubli ti talek ti publiko.
