Nakasaganan ti Land Transportation Franchising and Regulatory Board no bilang ngumina ti presio ti langis gapu iti epekto ti riribuk idiay Middle East.
Maysa kadagiti sinaganaan ti LTFRB ti fuel subsidy kadagiti operator ti public utility vehicle.
Segun ken ni LTFRB Chairperson Atty. Vigor Mendoza II, makikamkammayetdan kadagiti dadduma pay nga ahensia ti gobierno ken impasiguradoda nga adda fuel cards dagiti benepisyaryo babaen iti Land Bank of the Philippines tapno mapaalisto ti pannakaiwaras ti ayuda.
Immunan a pinasingkedan ni DOTr Sec. Giovanni Lopez a nangilatang ti gobierno iti nasurok P2.5 billion para iti fuel subsidy.
Dayta ket tapno matulongan dagiti driver ken operator no bilang umabot iti $80 kada bariles ti presio ti langis iti world market.
