--Ads--
VIGAN CITY – Pinasingkedan ti Philippine Atmospheric, Geophysical and Astronomical Services Administration (PAGASA) a dakkel ti tyansa nga agbalin nga umuna a bagyo iti pagilian ita a tawen ti low pressure area iti daya ti Mindanao.
Segun ken ni PAGASA Weather Specialist Ana Clauren Jorda, posible nga agbalin a tropical depression inton bigat, May 24 ti nasao nga LPA a mapanaganan iti “Aghon”.
Simrek ti LPA iti uneg ti Philippine Area of Responsibility ti bagyo itay alas singko iti bigat, ken nasaripatpatan iti kaadayo nga 870 kilometeres daya iti abagatan a daya to Mindanao itay alas dyes iti bigat.
Mabalin pay nga agturong nga agpa-amianan a laud agingga Sabado, Mayo 25 ken agturong met nga agpa-amianan a daya inton Domingo, Mayo 26.
-- ADVERTISEMENT --
