Lovely Mar Castillo, rank 1 iti Human Resource Associate Examination

VIGAN CITY – Saan a ninamnama ni Lovely Mar Castillo ti panagbalinna a rank 1 iti Human Resource Associate Assessment Examination nga insayangkat ti Human Resource Educator’s Association of the Philippines, Inc. babaen ti 89.75 percent a nagun-odna.

Iti pannaki-uman ti Bombo Radyo Vigan ken ni Castillo, napalalo ti panagyamanna iti Dios ken patienna nga awan ti imposible no la ket agtalek iti bagi ken iti proseso.

Impagarupna idi damo a saannan a maipasa ti eksam gapu iti kinarigat dagiti kwestyon ngem kinunana a saan a pinaay ti Dios.

Innayonna pay a dakkel a tulong ti balakad kenkuana dagiti balakad kenkuna dagiti nangtarabay kenkuana.

Pagyamananna met dagiti nagannakna ken dagiti nangtarabay kenkuana tapno magun-odan ti inna panagballigi.