VIGAN CITY – Mapapati a love triangle iti rason iti pammapatay ti maysa a stay-in helper iti Tinays Emporium idiay Quezon Avenue, Barangay 1, Vigan City.
Iti pannakipapatang ti Bombo Radyo Vigan ken ni Police Executive Master Sergeant Chester Dandin iti Vigan City Police Station, addan ti person of interest iti pannakapapatay ken ni Conrado Valdez, agtawen iti tallopulo ket uppat, agnaed iti Arangin, Sta. Lucia.
Segun ken ni Dandin, maibasar iti CCTV footage a naala ket adda dagiti nakailasin ti suspek ngem nupay addan ti person of interest ket ikagumaanda latta nga amwen nu siasino pay dagiti karaman iti krimen.
Innayonna a nu bilang mapaneknekan a ti person of interestda iti akin-aramid ket kaso a murder iti sangwenna a kaso.
Maipalagip a bayat ti panagsimpa iti motorsiklo ti biktima ket kellaat a dimteng ti gunman a nainnayad a nangpaltog kenkuana ken naglibas nga adda pay kakaduana.
VOICE OF PEMS CHESTER DANDIN
