--Ads--
Kwinestyonaran ni private prosecutor Atty. Lorna Kapunan ti naggapuan ti personal a pondo a maipagarup nga ar-aramaten ni Vice President Sara Duterte iti panagbiahe na bayat a nakapenpen ti impeachment trial na.
Pinasingkedan ni Kapunan a posible nga kasla awan ti pateg ti impeachment court ti panagbiahe ni VP Sara.
Impaganetget na pay a no personal a kuwarta ni Duterte ti ar-aramaten na iti panagbiahe ket adda ti kasaruno a saludsod no naggapuan ti nadakamat a pondo.
Maipalagip nga idi kallabes nga aldaw ket naipadamag a nakatuding nga agbiahe ni Duterte a mapan idiay Japan manipud Agosto 19 agingga 24 ngem imbaga ti bise presidente a kanselado daytoy.
-- ADVERTISEMENT --
