Kalikagum ti gobyerno ti probinsya ita a 2021 babaen iti panangidaulo ni Governor Ryan Singson a maikkatan ti kaso ti COVID19 ti probinsya.
Iti pannaki-uman ti Bombo Radyo Vigan kenni Gov. Singson, saan lang a maikkatan no ketdi gagem da nga agbalin manen a COVID19 free ti Ilocos Sur uray nu ti agdama ket addan iti uppat a pulo ket walo a aktibo a kaso ti corona virus disease a ti pakabuklanna ket sangagasut walo pulo ket maysa ti nakaptan iti nasao a virus.
dagiti nasao nga aktibo a kaso ket adda iti 8 idiay tagudin, 7 idiay Sto. Domingo, 6 diay San Vicente, 4 a kaso ti adda iti Banayoyo ken Vigan, 3 idiay cabugao, 2 idiay Bantay, 2 idiay narvacan, 2 idiay sta. Catalina, 2 idiay Sta Cruz, tiggaysa idiay San Juan, Magsingal, Sta. maria, Santiago, Sta. Lucia , Candon, Sugpon ken Alilem
Inaig kadayta, pinasingkedan ti gobernador nga awan iti nairekord ti probinsia nga stray bullet accident , indiscriminate firing iti panangsabat idi baro tawen ngem adda ti lima a kaso a nairekord ti blast injury
VC- GOV. RYAN SINGSON
Maragsakan MET ti gobernador ta no man pay adda dagiti nagpositibo kadagiti napalabas nga aldaw ket na contain a dagus dagiti pasiente ta nakapaghome quarantine da sakbay iti panagpositiboda.
Agtaltalinaed a narisgo iti COVID19 dagiti frontliner ti probinsya gapo iti kinaado dagiti agawawid a residente manipod kadagiti nadumaduma a paset ti pagilyan a makapulupulapol da a posible nga addaan iti coronavirus disease.
VC- GOC. RYAN SINGSON
