Agpaut pay agingga inton May 13 iti lockdown idiay Bulgaria ta naibayog iti state of emergency iti nasao a pagilian gapu iti pangta iti covid-19 kas pinasingkedan ni Bombo International Correspondent Faith Denila a maysa a therapist iti nasao a lugar.
Segun kenni Denila, gapu iti lockdown ket adda dagiti preventive measure a maisaysayangkat kas iti kanayon a panag-test, saan a mabalin a rumuar nga awan iti face mask, ken no agturong iti tiendaan ket adda dagiti surutenda a paggannurutan ta no bilang man a saan a sumurot ket mabalin a mamuelta.
Kabayatanna, nakuna pay ni Denila a patien iti kaaduan idiay Bulgaria a dakkel a tulong iti arak a Rakia a mangdalus ken mangpatay iti virus ta patienda nga isu iti rason no apay a bassit palang iti natay iti nasao a pagilian.
Ti Rakia ket maysa nga arak a naaramid babaen iti prutas nga araramiden dagiti agindeg iti nasao a pagilian.
