--Ads--
VIGAN CITY – Maikkaten inton bigat (August 12) ti naipatungpal a lockdown iti Brgy. Pong-ol, Ayusan Norte, Nagsangalan, Vigan City a nabigbig a a critical, containment ken buffer zone.
Nupay kasta, agtalinaed latta iti Modified Enhanced Community Quarantine dagiti nasao a barangay kas panangsurot ti naaprubaran a kiddaw ti provincial government iti Inter Agency Task Force.
Kabaytanna, nagnegatibon ti sangapulo ket uppat a pasyente ti COVID19 babaen iti pannakaidalanda manen iti Reverse Transcription– Polymerase Chain Reaction tests.
Pinasingkedan ni Mayor Juan Carlo Medina a dayta ket gapu ti panagtitinnulong dagiti amin a health care workers, frontliners ken ti tunggal agindeg iti siudad isu a nagyaman iti tunggal maysa kadakuada.
-- ADVERTISEMENT --
