VIGAN CITY – Nayatiddug iti makalawas ti lockdown idiay Interlaken, Switzerland ket adda iti inaramid ti gobyernoda a tallo a wagas a masurot tapno in-inut met laeng ti pannakaikkatna.
Segun ke ni Bombo International Correspondent Evangeline Sarmniento a taga – Magsingal, Ilocos Sur, nainget a maipatpatungpal ti social distancing ken panagaramat ti gloves ngem saan unay ti face mask ta ta mismo a dagiti agindegen ti rumbeng a makapanunot iti dayta para iti kinatalgedda.
Pinasingkedanna nga awan ti parikut iti panagiwawarasan ti tulong ta dagiti apektado ti sakit ket makaawat ti duagasut a dolyar dagiti mangmangged.
Kabayatanna, inton April 27 ket malukatanton dagiti babassit a negosyo ken makastrekton dagiti padana nga OFW kadagiti pagtagilakuan.
