Kiniddaw dagiti local sugar producer iti gobierno nga ilatang iti domestic market ti intero a lokal a produksion ti asukar para iti2026–2027 crop year gapu iti manamnama a panagkirang ti suplay.
Segun iti National Congress of Unions in the Sugar Industry in the Philippines (NACUSIP) ken ti Agrarian Reform Beneficiaries Council (ARB Council), nasken nga idatag ti Sugar Regulatory Administration ti 100 a porsiento ti produksyon kas “B” wenno Domestic Market Sugar.
Mapatta-patta nga umabot laeng iti 1.66 milion metric tons ti lokal a produksion, nababbaba ngem iti mapatta-patta a dua a milion a metric tons ti domestic market.
Pabasulen dagiti grupo ti panagraut ti red-striped soft scale insect ken saan a nasayaat a paniempo, agraman ti napaot a tikag ken pasaray agbaliw a tudo, iti manamnama a panagbaba ti produksion.
