VIGAN CITY – Kapatang to ni Agriculture Secretary William Dar dagiti local rice traders ditoy pagilian tapnu allukoyen na ida a gumatang da kadagiti produkto dagiti mannalon.
Dayta ket tapnu magun-od iti kalikagum ti Department of Agriculture nga adda iti makanay a suplay iti makan ditoy pagilian kagiddan iti panagdur-as iti sektor ti agrikultura ken ti pagsapulan dagiti mannalon.
Ti pannaki-uman ti Bombo Radyo Vigan, inbaga ni Dar a nu malpas ton ti formal turn-over iti nagbaetan da kenni dati nga Agriculture Secretary ken agdama a Mindanao Development Authority (MinDa) chief Manny Piñol, asikasoen nanton iti pannakipatang kadagiti local rice traders nangruna ket dandani agapiten dagiti sumagmamano a mannalon ditoy pagilian.
Kinunana, masapul a makikinnammayet dagiti local rice traders inaig iti panaggatang ti produkto dagiti mannalon ta ti National Food Authority ket kabaelan da laeng iti gumatang iti suplay ti taraon para iti uneg ti tallo pulo nga aldaw.
