VIGAN CITY- Nakurang a sangapulo ribo a pisos iti napukaw ken ni Arthur Alviar, officer-in-charge ti Department of Science and Technology- Ilocos Sur gapu ti pannakabiktima na ti panangallilaw wennu “load scam” babaen iti nagpammarang a ni DOST Assistant Secretary for Finance and Legal Affairs Atty. Emmanuel Galvez idi Setyembre 19.
Ti pannakiuman ti Bombo Radyo Vigan, inbaga ni Alviar na a saan na a pinagduduwaan iti timmawag kenkuana a nagpabigbig kas assistant secretary a nagkiddaw ti cellcards ta naibaga kenkuana ti provincial director da a naka-official travel idiay Alaminos City, Pangasinan, a sangailien da ni Galvez ket ni Alviar iti mangasikaso kadagiti sumangbay a sangaili da.
Inbaga kenkuana iti nagpammarang a ni Asec. Galvez nga adda iti dua pulo a gangannaet a kakadua na ket manamnama a sumangpet da, alas syete agingga alas otso ti rabii, isu nga inbilin na kenkuana nga agpareserve iti restaurant para iti dua pulo ket dua a tattao ken igatangan na ida kadagiti cellcards nga aggatad iti ilima gasut a pisos ta naibus ti load dagiti gangannaet a kakadua na ket bayadan nanto laengen inton sumangpet da.
Gapu ta patien la unay ni Alviar a maysa kadagiti nangato nga opisyal ti DOST iti nakapatang na, insigida a napan gimmatang ti cellcards ken nagpareserve ti restaurant ta kayat na nga ipakita kadagiti nagpammarang a sangaili da ti kina-hospitable dagiti Ilocano.
Idi nakagatang ti cellcard ket nagpanayun manen ti nagpammarang a DOST assistant secretary iti cellcard ngem gapu ta awanen iti makanay a kwarta ni ALviar, nakapungtot kenkuana ti kinapatang na ti telepono isu a napabainan ngem rinespetar na latta.
Idi naited ni Galvez dagiti kasapulan a cell card, inbilin kenkuana tip eke nga opisyal nga agorder iti makan iti restaurant agingga a saan dan a nacontact iti nasao a numero ket nagbalaw dan a nabiktima da iti panangallilaw isu nga inreport da ti nangat-ngato nga opisyal ti DOST ken ti police station.
