VIGAN CITY – Naiwarasen kadagiti sangapulo ket maysa nga Overseas Filipino Worker ti Loan Assistance manipod ti Provincial Government of Ilocos Sur nga isu iti Ilocos Sur Capital Assistance Recovery Program for Entrepreneurs wenno Ilocos Sur CAREs babaen ti panangidaulo ni Governor Ryan Luis Singson idi kalman.
Segun ken ni Gov. Singson, ti nasao a programa ket gagemna a maipaayan ti financial assistance ti micro, small and medium entrepreneurs, repatriated Overseas Filipino Workers ken Local residents a naapektaran iti covid-19 nga agnaed iti probinsia.
Ibilangna a kangrunaan a naapektaran dagiti OFW gapu iti kinaadayoda iti pagilian ken adu iti proseso nga aramidenda tapno laeng makaawid isu a napanunutanda iti nasao a programa tapno matulonganda.
Inkari ti gobernador a numan bilang nga adda manen iti pondo ket manayunan iti inisyal a pito a milyon a pisos nga agdama a pondo ti provincial government.
Kabayatanna, pagyamanan pay ti gobernador ti Nueva Segovia Consortium of Cooperatives wenno NSCC iti pannakitinnulongda ti provincial government nga isu iti nangiggem ti pondo para iti nasao a programa.
