VIGAN CITY – Pagpalpalawagen ti League of Municipalities of the Philippines dagiti sumagmamano a cabinet secretary ti Duterte administration inaig iti kontrobersyal a social amelioration program (SAP) ti gobiyerno iti kangitingitan ti enhanced community wuarantine ditoy Luzon gapu iti panagraira ti COVID- 19 pandemic.
Ti surat nga inpatulod ni LMP national president – Narvacan Mayor Luis “Chavit” Singson, kiniddaw na ken ni National Task Force chairperson – Defense secretary Delfin Lorenzana, National Incident chief implementer Secretary Carlito Galvez, IATF chairperson – Health Secretary Francisco Duque III ken IATF spokesman- Cabinet Secretary Karlo Nograles nga ag-public statement da babaen ti televised press conference tapnu mailawlawag dagiti pagannurutan a sur-suruten ti Department of Social Welfare and Development inaig ti SAP.
Ingunam-gunam ni Singson a maallilaw dagiti kakadua na a mayor ta dagiti pagannurutan ti national government ken local government unit level ket agduma.
Ma-ak-akusaran payen dagiti kakadua na a LGU official ken barangay officials a pilpilyen da dagiti benepisyaryo iti nasao a programa isu a kayat na a dagiti mismo maseknan nga opisyal iti gobyerno iti mangilawlawag iti nasao nga isyu.
