Saan a maipalawag ti aktres model a ni Liza Soberano ken Filipino-American Grammy Award winner H.E.R ti napalaus a nagsakda ta karamanda iti Filipino animated film a “Forgotten Island” manipod iti sikat nga American animation production.
Ti pelikula ket naggapu iti baknang a kultura a Pilipino pakairamanan dagiti alamat, tradisyon ken inaldaw-aldaw a panagbiag iti pagilian.
Segun ti dua, napateg ti proyekto ta ipakitana iti pudno a langa iti Pilipinas iti intero a lubong.
Akman ni Liza iti karakter a Raissa nga asideg iti pusona ta maipada iti kapadasan iti kaadoan a Pilipino kangrunaan iti isyu dagiti pamilia nga agsisina gapu iti panagtrabaho iti sabali a pagilian wenno OFW culture.
Ni met H.E.R ket boses iti karakter a ni Jo ket sipapannakkel a nangibingay iti panagbalinna a Pilipino.
Tampok iti pelikula iti napapateg nga aspeto iti kultura iti Pilipino kas iti panangipateg ti pamilia, panagsasango, taraon, tradisyon ken ti karaoke a sigurado a makarelate dagiti agbuya manipod iti agduduma a paset iti lubong.
Karaman iti cast ti pelikula da Lea Salonga, Dolly de Leon, Manny Jacinto ken Jo Koy kadua da Jenny Slate ken Ronny Chieng.
Manamnama a maipabuya ti Forgotten Island kadagiti pagsinean inton September 23.
