--Ads--
VIGAN CITY – Naitaray iti Northside Hospital dagiti agasawa a da Fernando Tabin, agtawen ti pitopulo ken Christy Tabin, agtawen iti innem a pulo ket innem ta nakimatda kabayatan iti kaaddada iti kuboda idiay Naglaoan, Sto. Domingo.
Segun kenni Melchie Dela Rosa a karruba ken nangipan kadakuada iti ospital, saanda nga impagarup a ti napigsa a panagkimat idi kalman ket adda iti natamaan isu nakigtotda idi nagpukkaw ni Christy a nagpaarayat.
Saan nga insigida a nadlaw dagiti karrubada nga adda iti nakimat ta saan a nagun-uni ti ubing a kaduada a saan a naan-ano ngem riniingna ni Christy nga isu iti nagpukkaw.
Kabaytaanna, natay ni Fernando gapu iti pannakakimatna idinto a matamtaming ni Christy.
-- ADVERTISEMENT --
