Nadutokan kas officer-in-charge director ti National Bureau of Investigation ni dati nga NBI Assistant Director Lito Magno.
Numan pay awan ti kumpirmasion manipud iti Malakanyang, mapagpapatangan ita a ni Magno ti sumukat ken ni NBI Director Jaime Santiago a nagikkat iti puesto idi Agosto.
Ni Magno ket datin a nagserbi iti opisina ti NBI idiay Northern Mindanao ken Central Luzon – indaulwanna dagiti operasion kontra iti human trafficking, organized crime, ken fraud.
Mabigbigbig pay ni Magno kadagiti kangrunaan nga opisial ti NBI iti operasion a nagresulta iti pannakakemmeg ni dati a Bamban Mayor Alice Guo idiay Indonesia.
Immunan a kinumpirmaran ni Santiago nga inawaten ita nga aldaw ni Presidente Ferdinand Marcos Jr ti irrevocable resignation-na.
