Pinasingkedan ti UNICEF a sakbay ti pandemia, pang grade 1 laeng ti literacy performance dagiti agad-adal iti grade 3.
Ngem segun ken ni Commission on Education 2 Executive Director Dr. Karol Mark Yee, kimmaro pay daytoy kalpasan ti pandemia ta pang-kinder laeng ti basic competencies-da.
Maibasar met iti comprehensive rapid literacy assessment nga insayangkat ti EDCOM-2, 33.42 percent wenno nasurok 1.7 milion a grade 1 to 3 students ti low emerging reader iti panangrugi ti school year 2025-2026.
Kayatna sawen ket tallo iti kada sangapulo a simple a balikas ti kabaelanda nga aramaten, ken dagiti simple laeng a detalye iti maysa a short story ti kabaelanda a maikabesa.
Rimmuar pay iti panagadal nga adu a Grade 3 students ti marigatan iti Math kangrunaan iti basic opeations ken geometry.
