Nalpasen ti pinal a listaan dagiti umawat ti tulong nga adda iti salinong ti Social Amelioration Program ditoy Vigan City ket inton Lunes ti manamnama a pannakaiwarasna kas pinasingkedan ni Mayor Juan Carlo Medina.
Segun ken ni Mayor Medina, nasurok pitoribo a benepisyaryo ti maikkan ti tulong nga idanundanto iti tunggal pagtaengan no dumteng ti rabii tapno awan ti riribuk.
Mawarasan met dagiti tricycle driver ti tulong uray no nakaawatdan ti kwarta manipud ti syudad agsipud ta sabali met ti pondo ti national ken ti lokal a gobierno.
No man addanto met dagiti agreklamo kalpasan iti pannakaiwaras kadagiti benepisyaryo ti tulong ket nakasagana ti mayor a mangilawlawag kadakuada ken kunana a kidkiddawendan ti pannakairaman dagiti SSS pensioner iti tulong a maipaay.
