VIGAN CITY – Kiddaw ni Governor Ryan Luis Singson kadagiti Barangay Kapitan nga alaenda amin a nagan dagiti na-stranded iti Barangayda tapno maited iti naan-anay a tulong para kadakuada.
Segun kenni Gov. Singson, kasapulan laeng nga ipasa dagiti Barangay Kapitan iti listaan dagiti na-stranded iti masakupanda tapno makaawiddan iti probinsiada.
Kasapulan a makikammayet iti ayanda nga ili dagiti stranded individual kadagiti Rural Health Unit, Munisipyo wenno City Health Office para iti health certicate-da ken makikoordinar kadagiti Mayor tapno maproseso iti panagbiaheda.
Inyunay-unay ti Gobernador iti pannakikammayet dagiti na-stranded ta adda dagiti dadduma a Local Government Unit a mangipaay iti pagluganan dagiti agsubli kadagiti probinsiada.
Kasta pay a saan a parikot kadagiti agnaed ditoy probinsia a na-stranded iti sabali a probinsia a kayatda iti agawid ta kasapulan laeng a maikkammayetda iti provincial government ta nakasagana a tumulong ni Gov. Singson.
