Pinasingkedan ni Police Chief Master Sergeant Domingo Reburon a Chief Investigator iti San Ildefonso Municipal Police Station nga innalada amin a listaan dagiti masikog iti ili a San Ildefonso kasaruno iti pannakaikali ti maysa a maladaga.
Iti pannaki-uman ti Bombo Radyo Vigan ken ni Reburon, uray dagiti kabangibang nga ili ken siudad ket alaendanton ti listaan dagiti msikog para ti pananatunton ti pamilia ti ubing a nasarakan.
Segun ken ni Reburon, addan ti napasyarda a pito a masikog idiay San Ildefonso ket agingga iti agdama ket sikogda pay laeng.
VC – Police Chief Master Sergeant Domingo Reburon
Nasakit met ti nakem ni Kagawad Edwin Palomares a taga-Bungro, San Ildefonso iti nangikali ti maladaga a nasarakan iti lugarda ta kas maysa nga ama ket maasyan ti napasamak iti maladaga ta di man laeng a nakonsensyan ti nangipan iti ubing iti ayanda.
Segun kenkuana, ubbing iti nakakita ti maladaga ket naipakaammo la kenkuana isu a nagtignay ket tinawaganna dagiti otoridad.
Patienda a nakonsensya met laeng ti nangikali iti maladaga ta saan nga amin a parte ti bagina ket naikali ta amangan ni kayatda met laeng a maitabon a nasayaat.
VC – KAGAWAD EDWIN PALOMARES
